嘎个是一个真佬个事体。我家姆妈年轻个辰光呢，蹲叻寨桥个灵台小学呢做老师，佗教个呢是一两年级。学生子呢大多数侪是湖娘个小佬，佗家要穿过圩塘波（走）两三里路才好到学堂叻来上课的。
有一天呢也是夏天头，天光蛮热个啊，大家侪穿着短衣袖管的。我家姆妈呢一进教师，看见一个老小呢赤哉个膊，就问佗，啊 某某，奈为勿穿衣裳。佗回答说叫：我个衣裳么今碍（今天）畀我于（喂）哉大甲鱼咧活。我家姆妈就开玩笑：啊某某，个么你就（只做连读）嗲勿开（去）抓哉来呢？今碍（今天）哈伲家就有昼饭菜咧活。学生子么听哉侪笑个活。估计个老小呢有点撒憋气（生气）咧，就跟同学讲：明朝一定捉一个大甲鱼来畀佗家看看。同学肯定勿相信个额。个（么）一日就过去哉。
第二天呢到哉昼娘，某某个家长呢就寻哉来咧，说叫某某昨头一夜勿归家，阿是到同学家开（去）个咧。个（么）我家姆妈就问流（叻哟连读），问问啊朆有嘎种事体活。大家侪角着（感觉）呕勿对个咧。学堂叻个老师呢，村娘宁（人）呢侪去帮着寻。寻到过个下昼三四点钟呢，叻圩塘个杂（最）南面，杂杂（最最）南面寻着哉。额勿过呢佗老早已经呒不气佬咧，面娘搭哉手呢一衣（齐）畀咬拉半边，半爿。家叻人哭到哉，佗家上头养三个丫头好勿容易有个老小拖到大就个佬呒不哉。嘎哉据，后手来呢后手来呢老老老辈个人讲，嘎种家什叫鼋，能长大蛮蛮大，蛮蛮大。大人都勿一定会揪哉住。过个老小呢估计啊畀个鼋啊拖叻河叻啊直接淹噻个。过个。。。讲呢，嘎也是一个悲剧。