http://gd.qq.com/a/20130817/001455.htm?pgv_ref=aio2012&ptlang=2052
阮闽南侬兮厝边广府侬伫文化方面绝对袂输予北方。深圳地铁全程粤语报站，广州地铁嘛是安呢。珠三角兮公交车更加免讲，拢总是粤语报站。我一直想，为啥乜咱闽南地区安呢悲哀，想卜佮咱母语亲近淡薄，煞安呢困难？公共场所为啥乜袂使有闽南语广播？我毋是排外，我只是想卜保留家己兮文化，敢有毋着？我外省朋友过来厦门，嘛感受着咱兮文化失落程度。有真济厦门朋友感觉咱会晓讲闽南语，咱兮文化就会当保留。毋过，我感觉无遮简单。咱兮社会已经慢慢仔予北方文化侵蚀，真济后生仔干焦会晓讲普通话，一直想卜将普通话讲予标准，煞未记得家己兮母语是闽南话，未记得安呢博大精深兮语言将会因为即辈侬兮无关心而消失。。。