上海话是吴语的一只方言，弗是普通话的方言，吴语搭普通话是平等关系，而上海话搭苏州话、无锡话、宁波话是兄弟关系，侪是吴语。
上海人可以基本听懂兄弟语言，听弗懂的人要麼弗是上海人只是上海居民，要麼就是受北方话影响忒大讲弗好上海话。
本人属於新新派上海话，但是本人甚至连得台州话也能听懂一半。
上海话是上海文化的载体，没上海话的上海将没滑稽戏、没上海说唱、没沪剧，也就是没文化。
吴语是江南江北的分界线，启东地处江北但是讲吴语，介佬启东在文化意义上就是江南城市。假使上海没了吴语，上海将成为文化上的北方城市。
每一个上海人请学习广东人，请大家保护好自家的母语——上海话。
出门就讲上海话，假使对方听弗懂再改成普通话，个恁就可以皆大欢喜，弗是蛮好嘛。
保护方言也是在保护中国文化的多样性，每一位上海人侪有责任！