之前同大家介紹過德國有間水族館酒店，中間嘅電梯就係一個巨型嘅魚缸，如果你已經覺得佢都滿足唔到你嘅話，咁你實會好期待呢間概念酒店Planet Ocean Underwater Hotel。酒店建築係海底大約28呎，即係8.5米深左右，只有12間類似太空艙設計嘅房間，但每一間都有無敵大海景，因為佢係正海底丫麻！最近呢間酒店嘅設計師Tony Webb已經係美國取得專利，意味住呢個唔再係空想。講咁耐，究竟係邊度呀？佢地仲考慮緊，可能埃及、馬來西亞、夏威夷同巴哈馬都。酒店造價估計1,300萬英磅，不過仲需要好多測試同批文，實際幾時完成都仲係一個謎，唯有繼續等下啦。