馬浚偉（馬仔）是一個大氣的男人。
一直以來馬仔在TVB所演出的角色，都是書生、才子、秀才、皇帝等，正氣和書卷味已入其血肉。
正當這個世界充斥着太多壞男人，馬仔的好男人形象，不只吸引異性，也能討好不少同性粉絲。
這天和他在觀塘一間餐廳飯局，我們靠窗而坐，不少行經的過路人ABC及街坊甲乙丙紛紛和馬仔微笑揮手，馬仔逐一點頭或揮手回禮，我問：「識嘅？」「唔識㗎！」然後，馬仔很書生式的喝一口咖啡。沒有在TVB露面已久的馬仔，依然深得民心。
忽變觀塘地膽
「我近排忙住舞台劇，排練室喺觀塘區，呢度嘅街坊都時時見到我出出入入周圍行，自己去買麵包、仲幫襯咗唔同嘅茶餐廳，我發覺呢區好啱新生代……喺呢段時間，自己成日都喺The Hunt同其他人傾嘢，貪呢度杯咖啡唔錯，一個禮拜嚟三幾次，仲有佢嘅豬扒、甜品都好好食，雖然選擇唔多，但款款精緻。」馬仔確實對The Hunt「情有獨鍾」，我們之前也在此碰過面。藍色主調的The Hunt，和同區一般樓上咖啡店比較，這裹的裝潢挺有獨特風格，有一種溫暖而Relax的感覺，還有一種文青味道，和馬仔很夾。
這陣子，馬仔成了觀塘工業區地膽，很平民化，他說：「呢一代嘅藝人其實都好貼地，你睇Eason！我唔係大花筒，做嘢唔會離晒地，自己一條友行街、畀人認得，亦係做藝人嘅一種享受，好似時不時有啲人喺街見到我就問：你幾時返嚟拍劇？好想睇你嘅劇呀！我聽到佢哋咁講，其實幾心甜！所以我都唔明，有啲新人都冇乜人認得都要包實晒出街，其實放鬆啲，做藝人冇人認得先至慘！」
本性鋤強扶弱
馬仔是「收視福將」，每每在TVB由他擔正的劇集，《守業者》、《當旺爸爸》、《紫禁驚雷》等收視都很好，經年累月儲下來的師奶粉絲何其多，難怪下月才上演的舞台劇《偶然．徐志摩》，銷情十分理想，據講門票已所剩無幾！
《偶然．徐志摩》是馬仔首次自編自導兼任監製及男主角的舞台劇，更揚言是嘔心瀝血之作。「我自己傾Sponsor，由構思至所有嘅嘢都可以話係我自己一手一腳去搞掂，好多人問我得唔得㗎？要唔要幫手？我一畢業做過銷售員，同人傾合作可以Handle到，同埋最重要係如果今次搞舞台劇乜都做過晒，咁下次就冇乜嘢難到我，我份人做嘢最鍾意一開波就由最辛苦做起！」馬仔繼續說：「之前好多人講到徐志摩，都話佢壞壞哋、始亂終棄……我用咗好多時間去查徐志摩嘅歷史，睇咗好多有關佢嘅書籍，其實佢唔係咁，所以今次亦想幫徐志摩平反！」馬仔工作喜歡先苦後甜，為人也愛鋤強扶弱。
「我今次做呢套舞台劇，一手一腳搵廣告商贊助，冇靠政府。其實依家有好多小型劇團，向相關政府機構申請幾千或幾萬蚊都難關重重，甚至到最後都唔批，你話吖，香港點會可以好成功咁去推動藝術文化發展……所以，我好想幫佢哋。」
《偶然．徐志摩》是馬仔舞台劇生涯的揭幕，但我更相信這是他努力為改變「香港文化沙漠」的開始。
一直以來馬仔在TVB所演出的角色，都是書生、才子、秀才、皇帝等，正氣和書卷味已入其血肉。
正當這個世界充斥着太多壞男人，馬仔的好男人形象，不只吸引異性，也能討好不少同性粉絲。
這天和他在觀塘一間餐廳飯局，我們靠窗而坐，不少行經的過路人ABC及街坊甲乙丙紛紛和馬仔微笑揮手，馬仔逐一點頭或揮手回禮，我問：「識嘅？」「唔識㗎！」然後，馬仔很書生式的喝一口咖啡。沒有在TVB露面已久的馬仔，依然深得民心。
忽變觀塘地膽
「我近排忙住舞台劇，排練室喺觀塘區，呢度嘅街坊都時時見到我出出入入周圍行，自己去買麵包、仲幫襯咗唔同嘅茶餐廳，我發覺呢區好啱新生代……喺呢段時間，自己成日都喺The Hunt同其他人傾嘢，貪呢度杯咖啡唔錯，一個禮拜嚟三幾次，仲有佢嘅豬扒、甜品都好好食，雖然選擇唔多，但款款精緻。」馬仔確實對The Hunt「情有獨鍾」，我們之前也在此碰過面。藍色主調的The Hunt，和同區一般樓上咖啡店比較，這裹的裝潢挺有獨特風格，有一種溫暖而Relax的感覺，還有一種文青味道，和馬仔很夾。
這陣子，馬仔成了觀塘工業區地膽，很平民化，他說：「呢一代嘅藝人其實都好貼地，你睇Eason！我唔係大花筒，做嘢唔會離晒地，自己一條友行街、畀人認得，亦係做藝人嘅一種享受，好似時不時有啲人喺街見到我就問：你幾時返嚟拍劇？好想睇你嘅劇呀！我聽到佢哋咁講，其實幾心甜！所以我都唔明，有啲新人都冇乜人認得都要包實晒出街，其實放鬆啲，做藝人冇人認得先至慘！」
本性鋤強扶弱
馬仔是「收視福將」，每每在TVB由他擔正的劇集，《守業者》、《當旺爸爸》、《紫禁驚雷》等收視都很好，經年累月儲下來的師奶粉絲何其多，難怪下月才上演的舞台劇《偶然．徐志摩》，銷情十分理想，據講門票已所剩無幾！
《偶然．徐志摩》是馬仔首次自編自導兼任監製及男主角的舞台劇，更揚言是嘔心瀝血之作。「我自己傾Sponsor，由構思至所有嘅嘢都可以話係我自己一手一腳去搞掂，好多人問我得唔得㗎？要唔要幫手？我一畢業做過銷售員，同人傾合作可以Handle到，同埋最重要係如果今次搞舞台劇乜都做過晒，咁下次就冇乜嘢難到我，我份人做嘢最鍾意一開波就由最辛苦做起！」馬仔繼續說：「之前好多人講到徐志摩，都話佢壞壞哋、始亂終棄……我用咗好多時間去查徐志摩嘅歷史，睇咗好多有關佢嘅書籍，其實佢唔係咁，所以今次亦想幫徐志摩平反！」馬仔工作喜歡先苦後甜，為人也愛鋤強扶弱。
「我今次做呢套舞台劇，一手一腳搵廣告商贊助，冇靠政府。其實依家有好多小型劇團，向相關政府機構申請幾千或幾萬蚊都難關重重，甚至到最後都唔批，你話吖，香港點會可以好成功咁去推動藝術文化發展……所以，我好想幫佢哋。」
《偶然．徐志摩》是馬仔舞台劇生涯的揭幕，但我更相信這是他努力為改變「香港文化沙漠」的開始。
