力叔饮杯茶，准备喺份文件度画只龟，突然电话响。
中超云加小斯：
Boss，今铺点算啊，足协放大招，U23又对应外援上阵数，又话买人要收调节费。听讲你都无心机玩落去。
力叔：
唔使惊，玩足球成本低D合符我口味，呢个政策咁好，我点会无心机。你唔好听贴吧D人乱讲啦。
唔管点，我地系靠实力噶，你同我睇睇预备队同埋香港班细路仔，边个得就抽上来锻炼一下，下年肯定适应得到，大把人，大把时间。
你提醒左我，我有预感，今晚我地肯定赢硬申花啦。哈哈哈。
小斯：
唔系挂，后防腾腾大修两个月喔。点解预感会赢呢？
力叔：
足协D咩新政，你觉得申花适应D，还是我大富力适应D？
小斯：
咁好似申花依赖外援多少少，而且U23无我地宇仔咁得，我地97、98锻炼得相对唔错咯。
力叔：
你觉得申花今个赛季噶目标系咩？下年踢亚冠？
小斯：
哦。我明啦。老板英明！
申花肯定下年唔想踢亚冠噶，因为要适应新政，唔买强外援踢亚冠，无把握，买强外援又被足协收一大笔。
所以赢得咁上下，就会输翻，系唔系咁啊？
力叔：
就系咁啦。应该有唔少队伍都会睇定D，唔够实力，都系唔好冲咁前，下年新政混乱，唔知道点玩法，万一唔好彩大家让来让去，最后逼左去踢亚冠，下年降级都有份。
估计申花主场向球迷交代，客场肯定送翻D分出来。
你今晚叫班球员努力D，搬翻越秀山主场之后仲未赢过啊，重奖啊。
小斯：
好，Boss重奖，肯定尽力。咁我地今年冲唔冲亚冠啊？
力叔：
我地一向噶目标系做中超阿仙奴——我有电话入，唔讲住，拜拜。
小斯：
喂，喂，但系阿仙奴今年差1分无左个欧冠席位……