1.排排坐，吃果果，猫衣担凳比姑婆坐，坐烂个屎忽，唔好赖我，赖番隔离个二叔婆
2.“篾”开柑，数柑核，边个核多就边个赢，吾准手赖就甘缩骨。
3.拍大骳，唱山歌，人人话我无老婆，嘀起心肝娶返个，有钱娶个娇娇女，无钱娶个豆皮婆，豆皮婆，食饭食得多，屙屎屙两箩，屙尿冲大海，屙屁打铜锣。
4.凼凼转，菊花圆，炒米饼，糯米团，阿妈叫我睇龙船，我吾睇，睇鸡仔，鸡仔大，摞去卖，卖得几多钱？卖得三百六十五个仙。
5.呈沈剪，呈沈包，呈沉糯米叉烧包。老鼠吾食香口胶，要食豆沙包。
6.点指兵兵，点指贼贼，点着谁人做大兵，点着谁人做大贼。
7.估手指，要估中，边个吾中，就吾中用，裤浪底见个窿。
8.董存瑞，十八岁，为国牺牲炸堡垒，炸到堡垒咯咯脆，全国人民流眼泪。
9.劈友，劈友，快嘀走，走得快，好世界，走得磨，无鼻哥。
10.掟砖头，斗大够，一掟掟到西门口，溅起浪花抛浪头。
11.痴塘尾，塘尾飞，飞到菜田基，田基有条蛇，吓亲你两仔爷。
12.落雨大，水浸街，阿哥担柴上街卖，阿嫂出街着花鞋，花鞋花袜花腰带，珍珠蝴蝶两边
排。
13.落雨微微,水浸田基,田基有条蛇,吓亲大老爷,大老爷有支枪,吓亲大姑娘,大姑娘有粒糖,吓亲国民党。
14.暧姑乖,嫁后街,后街有鲜鱼鲜肉卖,又有鲜花戴,戴吾晒,摆落床头卑老鼠拉,拉拉拉,拉去大新街,大新街又有个扯皮鞋,扯下开,又扯下埋。
15.肥藤藤,脚震震,买旧猪肉去拜神.行到半路屎忽痕,去到神庙四围藤,返到屋企口痕痕,食完猪肉变瘟神.
16.鸡公仔，尾弯弯，做人新妇甚艰难。早早起身都话晏，眼泪唔干入下间。下间有个冬瓜仔，问过安人煮定蒸。安人话煮，老爷又话蒸，蒸蒸煮煮唔钟意。大喳嚹盐佢话淡，手甲挑盐又话咸。三朝打烂三条夹木棍，重话：咁好花裙畀你跪到烂，咁好石头畀你跪到崩。横又难，直又难，不如舍命落阴间。人话阴间条路好，我话阴间条路好艰难。
17.勾鼻佬，正死仔，一入广东乱咁嚟，杀人放火以为威。点不知，有嘢睇，遇着陈棠就飞石仔，打到佢爬喺地下要食泥。
18.萝卜头，点豉油，点得多，咸过头，点得少，淡谋谋。佢以为，好正斗，点不知，畀人踢罗柚，一踢踢到西门口。