TVB「回歸光影頌」獻禮25周年 周嘉洛孭4劇 志偉要多給新一代機會
香港文匯報訊（記者 達里、梁靜儀）TVB昨日於電視城舉行《周年慶典節目巡禮2022》迎接香港回歸25周年，以及為TVB 55周年台慶、獎門人節目25周年及香港小姐競選踏入第50年造勢活動，向六百多位廣告客戶推介下半年的各個新節目。「香港回歸 25 周年獻禮之回歸光影頌」是TVB下半年主推項目，包括推出6部劇集《我的驕傲》、《究竟天有幾高》、《神奇的燈泡》、《曙光》、《母親的乒乓球》、《回歸》和洪永城主持的綜藝節目《香港25個第一》。而男藝人中以後起之秀周嘉洛最受重用，共主演4套劇。
近100位藝員包括鄭裕玲、陳山聰、唐詩詠、陳展鵬、郭晉安、周嘉洛、陳瀅、馬國明、林夏薇、陳豪、蔡思貝等盛裝出席TVB《周年慶典節目巡禮2022》，努力向客戶推介他們有份演出的節目，TVB總經理（節目內容營運）曾志偉、總經理（商務營運）蕭世和及行政人員亦有份列席。
「巡禮2022」造勢活動由鄭裕玲、麥美恩及陸浩明擔任主持，先後介紹下半年TVB的節目，當中包括《香港回歸25周年獻禮》的戲劇及綜藝節目，為祝賀香港回歸25周年，《香港回歸25周年獻禮》中包括多個戲劇及綜藝節目，由郭晉安、陳煒、周家洛、吳偉豪、何廣沛、陳曉華等主演的劇集 《回歸》共有15集，成為焦點之一，而單元式戲劇節目也找到陳山聰、唐詩詠主演《我的驕傲》；姜大衛、龔嘉欣主演《究竟天有幾高》；周家洛、江嘉敏主演《神奇的燈泡》；何廣沛、陳曉華主演的《曙光》，以及由陳自瑤與陳展鵬主演的 《母親的乒乓球》。
下半年再推多元化綜藝節目
然後是下半年劇集和綜藝節目，包括將會推出《痞子殿下》、《超能使者》、《法言人》、《新四十二章》、《法證先鋒V》及《白色強人II》劇集；綜藝節目則有《聲夢傳奇 2》、《思家大戰》、《滿足的味道》、《好聲好戲》及《無窮之路第二季》等。為迎接台慶55周年，TVB將推出多元化綜藝節目賀台慶，包括《周末大選》、《全城一叮》、《霎時再感動》、《星光匯聚成翡翠》、《台慶問答大賽》、《全城選擇一分鐘》、《我們的主題曲》、《黃金壽宴》、《遊走世界天與地》，及深受觀眾愛戴及屬於香港市民的《獎門人》系列及選美盛事 《香港小姐競選》，難得兩個節目分別踏入25周年及50周年的大日子，曾志偉將會出山主持《獎門人開心萬歲》及《2022 香港小姐競選》，見證第50位香港小姐的誕生。
曾志偉被鄭裕玲追問會否再擔任今屆港姐司儀，他表示要視乎情況，大讚去年初任港姐司儀的丁子朗和周嘉洛都表現良好，有潛質而且執生能力也不錯，公司應給予機會鼓勵新一代，做得多自然就工多藝熟。已有6、7年沒做港姐司儀的志偉笑稱也有點心癢，待面試完今屆港姐後再打算。對於今屆港姐計劃到日本拍外景，志偉稱已跟日本總領事方面進行商討有關防疫措施，對方有透露到時可能會再放寬，主要視乎香港被列入什麼風險的地區，他也希望到時疫情再放緩，如果回港後不用隔離，他也有機會隨大隊出發。志偉預計《獎門人》節目會在7月開始拍攝，他不會因有總經理身份而有所避忌，一樣會跟觀眾和嘉賓玩得盡興。有指獎門人的商標已被友台購買註冊，志偉稱對方已經無條件放棄，因當年友台曾考慮過請他過檔做節目，可惜沒有成事，現在TVB已登記及註冊有關商標。
陳瀅揭周嘉洛被封「周幾組」
近年備受無綫力捧的周嘉洛，下半年將有4劇推出，包括3部劇集《痞子殿下》、《新四十二章》和《回歸》，以及1部單元劇《神奇的燈泡》，撼贏一眾小生。
活動後嘉洛與緋聞女友陳瀅一起接受訪問，嘉洛對於自己主演的劇集數量也不大清楚，反而陳瀅就比他更瞭如指掌。對於成為藝人之冠，嘉洛就謙稱：「數量不等於質素，仲有進步空間。」嘉洛又表示非常期待這部劇播出，亦對劇集有信心：「雖然大熱天時拍攝，但拍得好開心，夏天拍古裝，唔係人人頂到。」
陳瀅被指對嘉洛相當留意，她解釋是在活動中看到宣傳片段，加上自己只有1部劇，就是跟嘉洛合演的《痞子殿下》。問到她會否多接拍劇集？她笑說：「嘉洛係後生啲係要辛苦啲，我拍完1部要休息夠，每年有1、2部作品播放都夠，過幾日就會拍葉念琛新劇。」陳瀅又大爆嘉洛最近多了新封號「周幾組」，問到是否挑戰鄭裕玲當年的「鄭九組」做「周九組」？嘉洛說：「絕對冇問題，幾多工作都無任歡迎。」

TVB節目巡禮｜曾志偉翻生《獎門人》 馬國明等錢使唔介意情侶檔拍廣告
東方新地
TVB為賀今年55周年台慶，今日（5月26日）特別舉行《周年慶典節目巡禮2022》，招待近600客戶到將軍澳電視地參與活動，TVB晒馬近百名藝人。電視廣播有限公司總經理曾志偉、總經理蕭世和，以及「元老級」藝人鄭裕玲等人坐鎮。
69歲曾志偉玩唔厭翻生《獎門人》 再請劉華學友？
TVB為賀55周年台慶舉行《周年慶典節目巡禮2022》，晒馬率近百名藝人出席，包括：陳豪、馬國明、陳展鵬、郭晉安、陳山聰、袁偉豪、唐詩詠、馮盈盈、陳瀅、劉佩玥、蔡思貝、龔嘉欣、林夏薇、黃翠如，以及《聲夢傳奇 2》學員等，還有總經理曾志偉與DoDo姐兩位重量級人馬坐鎮。
《獎門人系列》遊戲節目25周年，69歲曾志偉宣布翻生節目，命名為《獎門人開心萬歲》，一共63集將於7月初錄第一集。獎門人更表示，當然希望再請好友劉德華、張學友等人再上節目，改玩一相對輕巧的遊戲。另一經典節目《殘酷一叮》亦都會翻生叫《全城一叮》，TVB藝人圍內互相競技。
再提ViuTV買獎門人商標 曾志偉：佢哋無條件放棄咗
ViuTV去年底被發現偷偷註冊「獎門人」商標，如今曾志偉決定重啟節目，唔通商標問題解決咗？今日曾志偉被問到獎門人商標一事時，他回應最初對方想請自己去主持節目，不過對方已經無條件放棄，TVB亦將獎門人商標買回來。唐詩詠IG呻攰上台仆親
唐詩詠身穿長裙踩住4吋高踭鞋，在台上不小心仆親，原來有跡可尋，她在IG story post相，見她攰到踎喺地下扁晒嘴，寫道：「當企到好攰時，冇儀態可言。」
馬明等錢使恨情侶檔拍廣告 洪永城帶囡囡吸金
今次台慶招待600客戶到場，藝人趁機會吸金，馬明不介意情侶拍廣告，他直言：「想呀，等錢使呀！（有幾等呀？）好等錢使呀！拍咩都得啦！」他笑指陳豪已率先接了廣告，阿Mo就話：「依家興組合，《白色強人》搞個『白色天使』，唔好理佢係咩，有廣告算係咁。」洪永城就將囡囡轉做電話wallpaper，出力搲銀

無綫節目巡禮丨陳豪24小時防疫高度保護家人 被郭晉安突襲拉罩馬國明打圓場
無綫今年適逢55周年台慶，昨日於將軍澳電視城舉行《周年慶典節目巡禮2022》，預告下半年節目招攬600客戶「吸金」。TVB出動近小生、花旦撐場，包括陳豪、馬國明、陳展鵬、郭晉安、袁偉豪、唐詩詠、馮盈盈、黃翠如、陳瀅及《聲夢傳奇2》學員等，高層則有無綫總經理曾志偉等。《東張西望》喺巡禮開始前同個別藝員進行採訪，其中訪問《白色強人II》三位小生嘅一Part就引起咗網民討論。
《東張西望》搵嚟馬國明、陳豪同郭晉安三個好男人代表做訪問，馬明表示好期待情侶檔搵銀，話女友湯洛雯都贊同，仲表示好羨慕身邊嘅陳豪夫妻檔拍廣告：「你接咗啦！我已經見到你個廣告啦！（如果情侶檔想接咩？）咩都得啦！最好阿Mo（陳豪）漏啲畀我啦！」陳豪聽見嘅時候都笑晒。講起搵錢就開心。（截圖）
不過呢個時候郭晉安突然拉低陳豪嘅口罩，笑住咁問：「你係咪成日要做口罩廣告呢？你係咪想接口罩廣告？」陳豪有少少尷尬咁除低口罩一邊講「OKOK」，郭晉安就對鏡頭講：「Yeah！我終於除到佢口罩喇！」陳豪保持風度笑住咁話「開畀大家睇」，之後輕拍咗郭晉安一下，相信二人私下都好老友。馬明就打圓場，問郭晉安想唔想同家人拍廣告，佢就話自己最想同馬明、陳豪拍檔。三人喺《白色強人II》有合作，陳豪話潮流興搞組合，佢哋三人可以組成「白色組合」、「白色男天使」，非常無厘頭。
陳豪同老婆陳茵媺育有3子女，一向出名錫家人嘅佢係圈中著名「口罩師」，為保護家人自從爆疫以嚟幾乎24小時長戴口罩，做嘢接觸好多人嘅佢就算返到屋企又或者同家人同枱「食飯」嘅時候，合照都係見到佢戴住口罩，非常有堅持。
因為咁，郭晉安呢個舉動就畀網民批評：「我唔係fans都知陳豪戴口罩有原因啦」、「一啲都唔尊重人」、「應該尊重佢想保護家人嘅意願」、「玩到冇嘢好玩」。不過都有網民認為二人私下好老友，都係節目效果咋！「陳豪都唔mind，你咁介意做咩」、「陳豪之後做主持都有除咗罩呀」。

一姐地位︱唐詩詠無綫節目巡禮仆上台　孖林夏薇企C位
無綫昨日（26日）舉行節目巡禮「吸金」，一眾小生花旦大合照鬥排位，唐詩詠與林夏薇被安排企正中間搶眼位置，失寵的馮盈盈則靠邊站，而近期傳推劇的李佳芯連影都冇，缺席活動。雖然唐詩詠企靚位，但在台上不慎絆倒，陳山聰即上前護花，有驚無險！
小生花旦齊齊企C位，唐詩詠梗係有份啦！
身為總經理嘅曾志偉當然有現身。
無綫今年適逢55周年台慶，加上香港小姐50周年及獎門人系列25周年，昨日特別在將軍澳電視城舉行《周年慶典節目巡禮2022》，招待近600客戶，預告下半年節目「吸金」。TVB晒冷出動近百藝員撐場，小生、花旦包括陳豪、馬國明、陳展鵬、陳山聰、袁偉豪、唐詩詠、林夏薇、蔡思貝、馮盈盈、黃翠如、陳瀅及《聲夢傳奇2》學員等，高層則有無綫總經理曾志偉等，眾星大受廣告客戶歡迎，場面熱鬧。
和林夏薇分庭抗禮
活動甫開始即出現驚險場面，以5吋高踭鞋襯吊帶裙亮相的視后唐詩詠，上台時不慎連環仆，幸好有陳山聰的強勁臂彎救駕扶住她，英雄救美！節目巡禮介紹下半年節目，包括6套重頭劇《超能使者》、《法言人》、《新四十二章經》、《痞子殿下》、《法證先鋒V》、《白色強人II》等。尾聲大合照時，花旦唐詩詠及林夏薇獲安排站在中間位置，凸顯在公司的地位。而近期失寵被打入冷宮的馮盈盈，去年節目巡禮霸佔中間位置，今年則被「燉」到要企埋一邊，活動後冇癮即閃。至於早年獲力捧的李佳芯，更連出席的機會也欠奉，未知是否與盛傳因健康理由推演劇集《靈戲逼人》有關。
最驚斷吊帶走光
「英雄救美」受盡讚賞的山聰，受訪時取笑詩詠不懂着高踭鞋，詩詠笑說：「我着咗10幾年都冇事，可能對鞋太高，同埋個台地面光滑，行上去嘅時候拗一拗成個人跌低，嗰時即刻拉住佢（山聰），都驚拉低埋佢，好彩佢夠大力。」山聰則說：「佢應該係踩到條電線kick親，幾驚佢條裙斷吊帶會走光，惟有出動強勁臂彎，好彩佢都身輕如燕。」詩詠慶幸有驚無險，沒有受傷。提到下半年有《超能使者》、《白色強人II》及回歸劇單元出街，屬花旦中最「多產」，問到可有信心為無綫爭回收視？她說：「《白色強人》第一輯反應已經好好，《超能使者》好創新、好特別，所以都有信心。」山聰亦覺得《超》劇適合大人小朋友看，觀眾層會更廣。
唐詩詠喺台上仆低。
好在有陳山聰英雄救美。
真係驚驚！

唐詩詠着5吋高踭鞋上台跌倒　派定心丸表示冇事：冇拗親冇刮親
無綫《周年慶典節目巡禮 2022》今午（26/5）於將軍澳電視廣播城舉行，全台近百位藝員出席，向現場廣告客戶推介下半年各個嶄新節目。不過活動中途卻發生意外，唐詩詠上台時不慎跌倒，幸得陳山聰立即上前協助，有驚無險。
唐詩詠上台時不慎跌倒。（葉志明攝)
詩詠接受《香港01》訪問時向大家派定心丸表示：「冇事，我冇拗親都冇刮親，每年大型活動都擔心會發生呢啲事，但過去10幾年都冇發生，就係今日條電線同埋塊膠板我就跌親。好彩陳山聰好大力，佢好快已經捉住咗我，但我都有返啲重量，捉住我再慢慢跣返落地下。」她續說今天穿了5吋高的高踭鞋：「不過平時台慶都習慣咗，所以希望大家睇得開心。」+12022年下半年即將播出由詩詠有份主演的兩套重頭劇，包括《白色強人II》以及《超能使者》，問到詩詠是否希望力爭視后和劇后殊榮，她笑說：「過去呢幾年，我係非常之努力去拍劇，希望可以做到一個target數目，我就可以放一個悠長假期。我冇諗過啲劇咁快一次過出，希望可以分開兩、三年咁出。」她指早前努力了一段時間，現時正在休息又碰巧劇集即將播出，可說是Perfect Timing：「再休息下先，等啲劇播晒我就再努力。」
詩詠今天穿了5吋高的高踭鞋。（葉志明攝）
收視一直都是網民關注的話題，對於即將播出的兩部劇集的收視有信心嗎？詩詠認為收視和觀眾反應同樣重要：「能夠有兩者就非常完美，但有其中一個都好好。《白色》因為有第一輯嘅關係，所以（收視）會有信心，《超能》係一個新嘅題材，希望都可以兩者皆備。」