【明明很爱你】4月新闻合辑 PART4 新代言 隐形战队祝捷

许俊豪Lincoln 隱形戰隊 之後🔥
感恩 #法言人 有參與的機會
多謝家豪哥，志江監製同所有拍攝嘅導演幕後
現場可以同兩位前輩羅蘭姐同 @evalaiyinshan
媽媽一齊學習同演出已經好滿足🫶🏻
之後都仲有㗎，大家記得留意啦😻

黃嘉樂林子善為「鐵馬」細妹慶祝41歲生日 唐詩詠人緣佳獲好友輪流陪慶生
唐詩詠（Natalie）於5月3號踏入41歲生日，佢一向圈中人緣甚廣，每年生日均獲好友輪流陪佢慶祝，今午唐詩詠喺社交平台貼出「鐵馬家族」為佢慶祝生日嘅相，唐詩詠開心稱呢個係一年一度嘅約會。
唐詩詠感謝多謝開住工嘅人、唔係好舒服嘅人、好忙做訪問嘅人，同埋好忙做後期嘅人都會好想約佢食飯，指黃嘉樂、林子善等都係百忙之中抽時間出席。鄭嘉穎、馬國明、林子善、唐詩詠以及黃嘉樂，2009年因合作TVB劇集《鐵馬尋橋》而結緣， 「鐵馬家族」成員現實中情同家人，以兄弟姊妹相稱!
唐詩詠今次生日活動多籮籮，繼早前與好友陳茵媺（Aimee）食飯，陳茵媺更特地送上一束花，壽星唐詩詠留言：「太sweet，比收到男朋友的花更開心！」而唐詩詠日前又約江美儀一齊食素，有報道指同場有猛男陪慶生，未知詩詠係咪真係脫單呢！？收起

陳展鵬發力「箍煲」　林夏薇落閘： 最初係普通朋友
由陳展鵬與林夏薇主演的《逆天奇案》4年前播出時獲得收視，台前幕後今午（16日）雲集電視城，宣布續集正式開鏡。上集交代二人情海翻波，今集更有方力申（小方）「介入」，展鵬自然要更加發力「箍煲」，不過薇薇受訪即「落閘」說：「小方係新朋友，同展鵬開始只係普通朋友。」
展鵬指今次查案及動作戲較多，故事更見懸疑，故追看性十足，薇薇即說：「佢喺廠得閒就會練腿，因為有啲重頭打戲，而我就負責睇番上集溫故知新。」問到何會與「情敵」小方「肉搏」，展鵬說：「唔會，佢仲協助我哋查案，打牙骹就有。」薇薇又透露自己與小方有「出埠戲」，但實際只會站在布幕前拍攝，後期用LED畫面去製造特別效果，感覺特別。至於馬國明會否客串演出，展鵬指不清楚實質安排，二人齊大賣關子。